Liverpool - Chelsea og Smashing Pumpkins

Ég henti mér á ansi góða tónleika í gærkvöldi, og sá Smashing Pumpkins spila fyrir dansi í Millennium Dome. Þeir voru aldeilis góðir, sem kemur kannski ekki á óvart, og tóku flesta af slögurunum sínum einsog Bullet with a Butterfly Wings, Today, Tonight, Tonight, Everlasting Gaze en EKKI spiluðu þeir Disarm, sem ég hafði beðið eftir með mikilli eftirvæntingu. Þó náðu þeir að bæta mér það nokkurn veginn upp þegar Billy Corgan coveraði óvænt hið margfræga lag "Easy Living" sem Uria Heep sömdu og Mánar gerðu frægt.
Eftir tónleikana fórum við síðan uppá Old Street í legendary gítarpartý þar sem Höddi sló á létta strengi, reyndar ansi þétt sem endaði í blóðugum fingrum, og var ansi margt um manninn. Við slógum í gegn þegar við vorum að kaupa okkur vín fyrir partýið í einhverju sveittu off-license þar sem (að sjálfsögðu) einhver Indverji var að vinna. Við hlóðum guðaveigunum á borðið hjá honum ásamt kóki og lime og ég-veit-ekki-hverju og spurðum hvort við gætum ekki opnað reikning. Indverjinn tók reyndar vel í grínið og gaf okkur forláta sleikibrjóstsykra sem ég fann í jakkanum mínum í morgun og þá mundi ég eftir þessari sögu.

Einnig fann ég bolinn og skyrtuna sem ég var í í gær uppá snaga inní forstofu í dag, sem segir mér að ég hafi líklega klætt mig úr þar þegar ég kom rúllandi heim í nótt með Óla Johnson, sem gisti hjá okkur með Sigrúnu sinni. Hresst.

Á föstudaginn var partý hjá Óla Johnson þar sem hápunkturinn var líklega ferðin heim. Við tókum leigubíl saman, ég, Elín, Höddi og tveir félagar hans (úr ónefndri hljómsveit sem verður ekki nefnd hér útaf sögunni sem fylgir). Þar sem ég og Elín erum á leiðinni útí bíl, og Höddi og félagarnir voru þegar komnir í bílinn, opna ég farþegahurðina öðrum megin og þá heyrist "It's the Other Side, Nigga" frá einum félaganum sem sat þeim megin í bílnum (og var ansi útúrdjammaður á þessari stundu). Ég skelli hurðinni og hleyp inn hinumegin og átta mig þá á því að það er MJÖG þvinguð þögn inní bílnum. Ég teygi mig þá aðeins til hliðar og lít á bílstjórann, sem er svartari en vetrarnóttin í Gaulverjabæjarhreppnum.

Pínu vandræðalegt og fékk þessi sami félagi mikinn rasista-stimpil á sig sem fór ekki af þar sem hann var stöðugt minntur á þetta komment sitt.

Ég fór síðan á Chelsea-Liverpool síðustu helgi þar sem ég horfði á hrikalega leiðinlegan fótboltaleik, þar sem Torres var meiddur og Dirk Kuyt sýndi enn og aftur afhverju hann er svona ljótur. Nenni ekki einusinni að segja meira frá þessum leik

Ég vil enda á því að benda fólki á skemmtilegar myndir sem voru teknar víðsvegar á Íslandi yfir jólafríið mitt, allar teknar á BlackBerryinn þannig að gæðin eru ekkert sem ElliJoð myndi sætta sig við (þegar kemur að ljósmyndun er Elli með tærnar þar sem flestir trúðaskór hafa hælana).

Finnið myndirnar hérna.

Síðan er það Aarhus næstu helgi, Elli er orðinn svo spenntur að sjá mig að hann man ekki í hvora áttina með toppinn hann er myndarlegri.



Elli besti stúdent FSU frá upphafi.

Bless Gummi.